裁員潮 好早之前我已經提過 不過當時大家都唔為意~
二次衰退似陳陳 今日跌甘多
我個人覺得應該昨晚債券較預期少人買
導致華府簽署提高債務上限方案等同作廢
須知道平時拍賣債券 好多時都系美聯儲自己買翻6-7成
依家市場信心不足 債券更少人買
美國政府分分鐘唔掂。
此外，美國經濟減緩，但又通脹，形成滯漲。
而華府新簽發之方案，主要系減赤方面，減福利，減支出，都會打擊經濟，
導致經濟進一步變差，更一步加劇美國經濟負擔。
仲有歐債問題 再次爆發，
我認為應該系評級機構唔想降美國評級，開始又想轉移視線。
我相信近排美國評級機構又會降某國評級。
仲有裁員潮，其實已經發生左好耐，因為經濟唔掂
內地亦開始出現中小企倒閉潮，
因為高通脹，借貸息率過高及經營成本過分增加（例如新既勞工法同政策）
以上兩種將會導致失業率上升，再次影響經濟。
其實仲有好多
簡潔黎講有
- 全球經濟減緩 美國、中國、新興市場卻又高通脹 形成滯漲
- 全球債務問題 美國 歐洲 中國 依家我自己就加埋日本
- 全球出現裁員潮 倒閉潮 （歐美不斷有裁員 而且有銀行倒閉或出售 中國中小企倒閉潮）
- 美國 歐洲發債，影響多國貨幣升值 如澳洲、日本、瑞士、中國、加拿大、新加波等等
- 貨幣升值，將會影響經濟放緩，導致多國採取行動，如拋售貨幣增加流通量(日本)、減息增加流通量(澳洲、瑞士)、加息抗通脹(中國、遲D可能會有南韓)
以上1同3互相影響惡化，導致2出現，2導致4出現，4導致1，
繼而導致5出現，5導致（加息：3），(增加流通量：1&2)
各國各施各法 務求唔系本國爆發成為歷史罪人。
除非經濟強國損耗利益幫助有問題國家，
而有問題國家又願意共同合作(呢度指國民，黨派)一齊救市，
而且又快，令市場信心加強，令大市穩定。
否則 市場失去信心會加快悲劇發生，到時想救都救唔到。
不過 應該無咩可能 最多頂住一陣 再跌過
而家大市氣氛急速轉差 應該未有國家正式開始開會商量如何解決問題
初步可以判斷為熊市 但投資者唔好直入認沽 因為市場震盪 好容易急跌後反彈
以上我曾經多次想系公司開會時發表 不過當我話大市轉差 會跌到幾多點時
我上司都唔聽 重話依家D貨便宜
我唔否認 有D真系便宜 PE又低 但全球經濟太差了
如果投資者想買股的話 可以買低PE既股票 相較安全(如果我講錯的話 投資者都可以自行獲利)
最好笑系 今朝有D同事見過市跌得勁 爆曬粗口 直程想打爆電腦
我都唔敢出聲了 費事比人打~
唔打字了 打到手都累了 如果大家想的話 搵日約出來傾~
沒有留言:
發佈留言
歡迎意見，大家交流下。